![Qazaxıstan gimnastı: Azərbaycan Gimnastika Federasiyası idmançılar üçün lazımi şəraiti yaradıb](https://ens.az/images/news/16e2cf2240b78facb177089dce3b4952.jpg)
Qazaxıstan gimnastı: Azərbaycan Gimnastika Federasiyası idmançılar üçün lazımi şəraiti yaradıb
Mən “AGF Junior Trophy” turnirində lentlə hərəkətlərdə daha yaxşı çıxış etdim.
Bunu Trend-ə Qazaxıstan gimnastı Bayan Koybakar deyib.
O bildirib ki, hələlik nəticələr barədə danışmaq tezdir:
“Mənim üçün məşqçinin fikri vacibdir, ümid edirəm ki, etibarı sarsıtmadım. Mən alətlərlə çıxış etməyi sevirəm, hesab edirəm ki, bu gün lentlə hərəkətlərdə daha yaxşı çıxış etdim”.
Gimnast əlavə edib ki, Bakıda davam edən turnir yüksək səviyyədə təşkil edilib.
Qeyd edək ki, Bakıda Milli Gimnastika Arenasında bədii gimnastika üzrə 2-ci "AGF Junior Trophy" beynəlxalq turniri keçirilir. Yarışda 20 ölkədən 130-a yaxın gənc bədii gimnast iştirak edir.
Dünya Kubokundan bir neçə gün öncə (26-28 aprel) keçirilən gənclərin yarışında Beynəlxalq Gimnastika Federasiyasının (FIG) qaydalarına əsasən, yalnız 2004-2006-cı il təvəllüdlü gimnastlar çıxış edirlər. İştirakçılar həm fərdi, həm də qrup hərəkətləri proqramında mübarizə aparırlar.
Ayın 21-dək davam edəcək yarışda qaliblər çoxnövçülük və ayrı-ayrı alətlər üzrə müəyyənləşəcək.
Ölkəmizi bu turnirdə fərdi gimnastlar Nərminə Səmədova, Nərmin Bayramova, 2018-ci il Avropa çempionatının gənclər arasında bürünc medalçısı Arzu Cəlilova, qrup komandasının tərkibində isə Mədinə Əsədova, Ləman Əlimuradova, Selcan Hacızadə, Milana Əkbərova və Fəridə Səfiyarzadə təmsil edirlər.
Şərhlər
Şərhləri göstər Şərhləri gizlət