Qərb bölgəsinin gəncləri üçün yeni imkanlar - Sahibkarlıq konfransı

25 dekabr 2018-ci il tarixində saat 10:00-da Gəncə şəhərində Ramada Plazada, Barama İnnovasiya və Sahibkarlıq Mərkəzinin təşkilatçılığı ilə "Sahibkarlıq Konfransı" keçiriləcək. Konfransın məqsədi uğur qazanmış mütəxəssislərin öz bilik, bacarıq və təcrübələrini tələbələrlə paylaşmaq imkanı yaratmaqdır. Barama İnnovasiya və Sahibkarlıq Mərkəzinin məlumatında belə tədbirlərin praktiki əhəmiyyət daşıyacağı və həvəsləndirici olacağı qeyd edilir. Hədəf gələcəkdə biznes sahəsi üzrə mütəxəssis olmağı planlaşdıran gənclərə maraqlı və faydalı məlumatlar ötürməkdir.

Konfransın əsas mövzuları aşağıdakılardır:

- Müasir təhsil texnologiyaları və tətbiqi ;

- IV Texnoloji İnqilab və Innovasiyalar ;

- Gələcək üçün bu gün nə etməli? Ozune inam ve motivasiya ;

- Aqrar sahədə innovativ həllərin tətbiqində aqroparkların rolu ;

Barama İnnovasiya və Sahibkarlıq Mərkəzinin qərb bölgəsi üzrə şöbəsi “Azercell” və “Pashabank”ın dəstəyi ilə Azərbaycan Texnologiya Universitetində (UTECA) yerləşir.

Konfransda iştirak etmək üçün qeydiyyat linki:

https://goo.gl/forms/ggKWMVoVyGyYLHrw1