![Qurban Yetirmişli: “Dövlət başçısının tapşırığına əsasən, zəlzələ ərazisində gücləndirilmiş rejimdə seysmoloji iş aparılır”](https://ens.az/images/news/e11f0032cdedfd703585a66565308693.jpg)
Qurban Yetirmişli: “Dövlət başçısının tapşırığına əsasən, zəlzələ ərazisində gücləndirilmiş rejimdə…
“Şamaxı-İsmayıllı bölgəsində fevral ayının 5-də saat 23:25 və 23:31-də baş verən zəlzələnin afterşokları hələ davam edir”.
Bunu “Report”a açıqlamasında Azərbaycan Milli Elmlər Akademiyasının (AMEA) nəzdində Respublika Seysmoloji Xidmət Mərkəzinin (RSXM) baş direktoru, AMEA-nın müxbir üzvü Qurban Yetirmişli deyib.
O bildirib ki, ərazidə enerji boşalması gedir, ümumi vəziyyət sabitdir: “Dünən axşamdan səhərə kimi hələ hiss olunan afterşok olmayıb”.
Q.Yetirmişli qeyd edib ki, Seysmoloji Xidmət Mərkəzinin əməkdaşları fevral ayının 6-dan zəlzələ baş verə ərazidədir: “Zəlzələnin ocaq zonasında əlavə stansiyalar qurulub, tədqiqatlar aparılır. Dövlət başçısının tapşırığına əsasən, ərazidə gücləndirilmiş rejimdə seysmoloji iş aparılır”.
Baş direktorun sözlərinə görə, ərazidə aşağı maqnitudalı zəlzələlər qeydə alınır: “Hazırda afterşoklar emal olunur, sayı ictimaiyyətə açıqlanacaq. Ümumi 130-dan çox afterşok qeydə alınıb”.
Qeyd edək ki, AMEA nəzdində Respublika Seysmoloji Xidmət Mərkəzinin məlumatına əsasən, 05.02.2019-cu il tarixində saat 23:31-də Pirqulu stansiyasından 11 km cənub-qərbdə, İsmayıllı rayonu ərazisində, 8 km dərinlikdə zəlzələ qeydə alınıb. Zəlzələ episentirdə 6 bal, ətraf rayonlarda 5-3 bala qədər hiss olunub.
Şərhlər
Şərhləri göstər Şərhləri gizlət