![Ramin Musayev: “Qarabağ”ın Portuqaliyadan xalla qayıdacağına inanıram”](https://ens.az/images/news/67af2ee30922ce051e8ff754e8c714e1.jpg)
Ramin Musayev: “Qarabağ”ın Portuqaliyadan xalla qayıdacağına inanıram”
“Qarabağ” son matçda göstərdi ki, oyunçular bir-birlərinə alışıblar. Amma tam yox. Hardasa 70 faiz başa düşürlər. “Sportinq”lə görüşdə bir-birlərini daha da başa düşəcəklərini və yaxşı oyun göstərəcəklərinə inanıram”.
Bunu “Report”a Peşəkar Futbol Liqasının prezidenti Ramin Musayev “Qarabağ”ın Avropa Liqasının qrup mərhələsinin I turundan Portuqaliyada “Sportinq”ə qarşı keçirəcəyi oyunu şərh edərkən deyib.
Qurumun rəhbəri bildirib ki, Ağdam təmsilçisinin səfərdən xalla qayıdacağına inanır: “Oradan xalla qayıdacaqlarına inanıram. Bunu bir azarkeş kimi deyirəm. Heyətdəki itkilərə rəğmən, “Qarabağ” səfərdən xalla dönəcək. Azərbaycanı, dövləti təmsil edən hamımızın komandasıdır. Avrokuboklarda azarkeşləri sevindirmək istəyən klub rəhbərləri komandanı yarışa qışda hazırlamalıdırlar. Bizimkilər çempion olurlar, avrokuboka vəsiqə qazanırlar, sonra komanda yığırlar. Bu düzgün deyil. “Qarabağ”ın birinci oyununu da nəzərə alın, ikinci və üçüncü görüşlərini də. Get-gedə artırırlar. Komandanı yanvarda kompektləşdirsən, yayda heç bir problem olmaz. Çünki futbolçular bir-birlərini tam başa düşməlidir”.
Qeyd edək ki, sentyabrın 20-də Lissabondakı "Joze Alvalade" stadionunda keçiriləcək "Sportinq" - "Qarabağ" matçı Bakı vaxtı ilə saat 23:00-da başlayacaq.
Şərhlər
Şərhləri göstər Şərhləri gizlət