Real Madrid-lə Chelsea razılıq əldə etdi

Chelsea-nin yarımmüdafiəçisi Eden Hazard Real Madrid-ə keçməyə yaxındır.

Goal.az xəbər verir ki, artıq klublar belçikalı futbolçunun transferi ilə bağlı demək olar ki, razılıq əldə ediblər. Rəsmi açıqlamanın yaxın vaxtlarda veriləcəyi gözlənilir.

28 yaşlı oyunçunun şəhəri tanımaq və orada özünə ev tapmaq üçün Madridə getmək istədiyi bildirilir.

Qeyd edək ki, Real-ın Hazarda görə Chelsea-yə təxminən 100 milyon avro təzminat ödəyəcəyi iddia olunur.