Redmi Note 8 səkkizinci mərtəbədən düşdü və...

Çinin texnologiya nəhənglərindən Xiaomi-nin ötən ilin avqustunda satışa çıxardığı Redmi Note 8 smartfonu istər göstəriciləri, istər qiyməti ilə telefon həvəskarlarının sevimli modellərindən birinə çevrilib.

Ens.Az ted.az-a istinadən bildirir ki, alıcıların bu cihazı sevmələri üçün daha bir səbəb yaranıb.

Çinin Weibo sosial şəbəkəsinin istifadəçilərindən biri Redmi Note 8 telefonunu səhvən 8-ci mərtəbədən aşağı saldığını paylaşıb. Maraqlı burasıdır ki, telefon təxminən 25-30 metr yüksəklikdən yerə düşsə də, xarab olmayıb. Korpusu və ekran örtüyündə ciddi xəsər yaransa da, cihazın işində hansısa problem yoxdur.

Qeyd edək ki, 2020-ci ilin may ayındakı rəqəmlərə görə, sözügedən model 30 milyondan çox satışla rekord qırıb.  

Nəzərə çatdıraq ki, Redmi Note 8 6,39 düymlük Full HD + (2340 × 1080 piksel) 19.5:9 LCD ekran, 2,5 D qövsvari şüşə, Corning Gorilla Glass 5 ekran qoruyucusuna sahibdir. Cihaz səkkiz nüvəli Snapdragon 665 prosessorundan güc alır. Operativ yaddaşı 4/6GB, daxili yaddaşı isə 64/128 GB-dır. MicroSD vasitəsilə bu göstərici 256GB-a qədər artırıla bilir.

İki nömrəli smartfon Android 10 əməliyyat sisteminə malikdir. Əsas kamerası dördlük sistem əsasında qurulub. 48 Mp-lik keyfiyyətə malikdir. Qabaq kameranın göstəricisi isə 13 Mp-dir.

Barmaq izi tenologiyasını da ehtiva edən telefonun ağırlığı 198 qram, batareyasının həcmi 4.000 mAs-dır.