Ronaldo heyətə daxil edilmədi

Juventus-un futbolçusu Kriştiano Ronaldo İtaliya A seriyasının 28-ci turunda Genoa ilə oyunu buraxacaq.

Goal.az-ın klubun saytına istinadən yaydığı xəbərə görə, portuqaliyalı hücumçunun adı sözügedən matç üçün heyətə daxil edilməyib. Turin təmsilçisinin baş məşqçisi Massimiliano Alleqri 34 yaşlı oyunçuya istirahət verməyə qərar verib.

Qeyd edək ki, Genoa - Juventus görüşü bu gün saat 15-30-da keçiriləcək.