Ronaldo “Yuventus”da ilk qolunu vurdu

“Yuventus” bu gün bazasında yoxlama oyunu keçirib.

Qol.az-ın klubun rəsmi saytına istinadən yaydığı xəbərə görə, Turin təmsilçisi gənclərin və əsasən heyətin 6 üzvünün yer aldığı komanda ilə qarşılaşıb. 

Yoxlama matçında ABŞ turnesinə yollanmayan “Yuve”nin əsas heyət üzvlərindən Duqlas Kosta, Rodriqo Bentankur, Paulo Dibala, Xuan Kuadrado, eləcə də yeni transferlərdən Kriştianu Ronaldo və Leonardo Bonuççi forma geyiblər.

Matç “Yuventus”un əsas komandasının 3:0 hesablı qələbəsi ilə başa çatıb. Qolları Kuadrado, Dibala və Ronaldo vurub. 

Qeyd edək ki, “Yuventus” avqustun 8-dən tam heyətlə məşqlərə başlayacaq.