Ronaldonun oğlu da “Yuventus”da

Kriştiano Ronaldonun oğlu “Yuventus”un akademiyasında məşqlərə başlayıb.

Komanda.az xəbər verir ki, kiçik Ronaldo 9 yaşa qədər olan uşaqlarla birgə məşq edəcək. Onun ilk məşqini tribunadan Ronaldonun sevgilisi Corcino Rodriges də izləyib.

Ronaldo bir müddət əvvəl mətbuata verdiyi açıqlamada bildirmişdi ki, oğlunun potensialına çox inanır və əmindir ki, o, yaxşı futbolçu olacaq.

33 yaşlı portuqal futbolçu “Real”dan “Yuventus”a bu yay keçib və Turin klubu ilə 2022-ci ilə qədər müqavilə bağlayıb.