Rusiya Tacikistandakı hərbi bazasında pilotsuz aviasiya yaradır

Faktxəbər-in RİA Novosti agentliyinə istinadən veridyi məlumata görə, Mərkəzi Hərbi Dairəsinin mətbuat xidmətində bildiriblər ki, Rusiya cari ilin ortalarında Tacikistandakı bazasında pilotsuz aviasiya batanlyonunu təşkil edəcək.

Məlumatda bildirilir ki,  yeni bölmənin tərkibinə "Orlan-10", "Leer-3", "Eleron" və s. kimi uzaq və yaxın pilotsuz aparatlar daxil ediləcək.

Həmçinin mətbuat xidmətində onu da qeyd ediblər ki, bu batalyon hərbi bazanın döyüş imkanlarını və kəşfiyyat aparma keyfiyyətini dəfələrlə artıracaq.

Qeyd edək ki, Rusiyanın Tacikistandakı 201-ci bazası ölkə xaricində ən böyük baza hesab edilir.