Rusiya və İran Xəzərdə təlimlərə başlayır

Rusiya və İranın Hərbi Dəniz Qüvvələri Xəzər dənizində birgə təlimlər keçirməyi planlaşdırır.

Axar.az xəbər verir ki, bu barədə İran Hərbi Dəniz Qüvvələrinin komandanı Hüseyn Xanzadə bildirib.

Onun sözlərinə görə, təlimlər iki ölkə arasında strateji və taktiki əməkdaşlıq səviyyəsinin yüksəlməsinə səbəb olacaq. Təlimlərə taktiki və xilasetmə əməliyyatlarının icrası, həmçinin dəniz quldurluğu ilə mübarizə tədbirləri də daxil ediləcək.

Xanzadə təlimlərin dəqiq tarixini açıqlamasa da, onların yaxın vaxtlarda baş tutacağını qeyd edib.