Rüstəm Muradovu əvəz edəcək general bu gün Xankəndiyə gələcək

Qarabağdakı Rusiya sülhməramlı kontingentinin komandanı general-leytenant Rüstəm Muradov vəzifəsindən kənarlaşdırılacaq.

Ens.az Oxu.az-a istinadən xəbər verir ki, bu barədə Ermənistanın “Qraparak” nəşri yazıb.

Nəşr qeyd edir ki, Muradovun yerinə Rusiya ordusunun cənub hərbi dairəsinin komandanının müavini Aleksey Avdeyev təyin olunacaq. Avdeyev bu gün Xankəndiyə gələcək və iki həftə ərzində təhvil-təslim işləri görüləcək.