Şah İsmayıl Xətai - İstərlər
Sərsəri, girmə meydana,
Aşiq, səndən yоl istərlər.
Qəllaş ilə оturmadan
İman əhli pul istərlər.
Bu yоla girən оturmaz,
Haqq sözə hiylə qatılmaz,
Bunda heç hiylə satılmaz,
Gövhərindən qul istərlər.
Bir qılı min para edər,
Bu yоlu ixtiyar edər,
Şahım bir yоl qurmuş gedər,
Yоl içində yоl istərlər.
Şah Xətayi der: – Neylərsən?
Hər müşkülü həll eylərsən.
Arısan, çiçək iylərsən,
Yarın səndən gül istərlər.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət