Şah İsmayıl Xətai - Zərreyi-mehrində daim, ey cəmali-afitab
Zǝrreyi-mehrindǝ daim, ey cǝmali-afitab,
Əbr yüzündǝn götürgil dutmagil mǝndǝn hicab.
Dur dedim yarin köyündǝn, ey rǝqibi-rusiyah,
Xǝstǝ bülbül var ikǝn neylǝr gülüstanda ğürab?
Ey gözü nǝrgiz, yüzü gültǝk, boyu sǝrvi-rǝvan,
Ta ki, sǝndǝn ayrı düşdüm, xǝstǝyǝm halım xǝrab.
Cǝnnǝti-vǝslindǝn ey, canım mǝni dur eylǝmǝ,
Mǝn fǝraqın atǝşindǝn çǝkmişǝm dǝrdü ǝzab.
Bu Xǝtai hǝqqinǝ dayim dutubdur çox ümid.
Aqibǝt rǝhm eylǝ anǝ saǝti-yovmülhesab.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət