Şair Məmmədhüseyn - Bu yerlər
Zimistan qəhrindən çıxıbdır yaza,
Bürünüb yaşıla, ala bu yerlər.
Bu zövqü-səfada, bu təravətdə,
Nola axıratan qala bu yerlər.
Bir tərəf laləzar, bir yan bənövşə,
Nərgiz səpələnib yamaca, döşə.
Yaranıb cənnətlə elə bil qoşa,
Kim qıyar, Xudaya, sola bu yerlər.
Göyçənin səfası, Göyçənin varı,
Gözəldir çəməni, gülü-gülzarı.
Məmmədhüseynin var ömrünün baharı,
Məskəni, oylağı ola bu yerlər.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət