Şair Məmmədhüseyn - Eyləyim

Ay nazənin, bir sualım var sənə,
Pünhan dərdim kimə aşkar eyləyim.
Axtardım elləri mən dönə-dönə,
Tapmadım dil qanan şikar eyləyim.

Kimə üz çevirdim, yad oldu mənə,
Nə deyim sirdaşsız ömürə, günə.
Bəxtimin çırağı az qalıb sönə,
İstərəm qəlb açan bazar eyləyim.

Şükür qıllam, Xudam səni yetirib,
Təzə gülü yolum üstə bitirib.
Məmmədhüseynin gəl ol dərdinə təbib,
Alım səni, mən vəfadar eyləyim.