Şair Məmmədhüseyn - Güləndam

Hicran dərdi peyman edib halımı,
Vurdu ürəyimə yara, Güləndam.
İşvə-nazın lap aparıb ağlımı,
Dərdli könül istər çara, Güləndam.

Göz açandan səni sevib-seçmişəm,
Röyada əlindən badə içmişəm.
Bir canım var inan qurban etmişəm,
Qoynundakı bağça-bara, Güləndam.

Bir mələk misalsan, alma canımı,
Gəl atəşə, oda salma canımı.
Məmmədhüseynəm, tök yolunda qanımı,
Aldanma dövlətə, vara, Güləndam.