Şair Məmmədhüseyn - Mən olum
Gül bağçadan boylanan yar,
Boyuna qurban mən olum.
Özün Gülzar, elin gülzar,
Hüsnünə heyran mən olum.
Ağladırsan, ağlat özün,
Çağladırsan, çağlat özün.
Dağladırsan, dağlat özün,
Sinəsi al qan mən olum.
Məmmədhüseyn sənnən doymaz,
Özgələrə məhəl qoymaz.
Əzabını əzab saymaz,
Tək sənə mehman mən olum.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət