Şair Məmmədhüseyn - Neynirəm
Ağlayıb göz yaşın leysan eyləmə,
Yad dərib iyləyən gülü neynirəm?
Tez doyub irzikdin niyə Hacıdan,
Satılıb-alınan qulu neynirəm?
Öz yoxsulca süfrəm, halal zəhmətim,
Bu süfrəmi sevən külüm-külfətim.
Beyilqarla nədi mənim ülfətim,
Olsa qızıl mücrüm dolu, neynirəm.
Məmmədhüseynəm, haqdan düzlük dilərəm,
Əməlimlə qəmlənərəm, gülərəm.
Gözü yaşlı görsəm həmən silərəm,
Əyri işə gen-bol yolu neynirəm.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət