![Səfir: Səudiyyə Ərəbistanı Azərbaycanla münasibətlərə xüsusi əhəmiyyət verir](https://ens.az/images/news/9385598084db567fa8a4ec0383173f9c.jpg)
Səfir: Səudiyyə Ərəbistanı Azərbaycanla münasibətlərə xüsusi əhəmiyyət verir
Səudiyyə Ərəbistanı Azərbaycanla münasibətlərə xüsusi əhəmiyyət verir.
Trend-in məlumatına görə, bunu Səudiyyə Ərəbistanı Krallığının Azərbaycandakı səfiri Haməd bin Abdullah bin Səud bin Xudeyr Səudiyyə Ərəbistanının Milli Gününə həsr olunmuş tədbirdə deyib.
Səfir vurğulayıb: "Davamlı əlaqələr və qarşılıqlı səfərlər əməkdaşlığın yüksək səviyyəsini göstərir. Bu ilin əvvəlindən iki ölkə arasında münasibətlər müxtəlif sahələrdə əhəmiyyətli dərəcədə inkişaf edib. Qanunvericilik sahəsində - Azərbaycan-Səudiyyə Ərəbistanı Parlament dostluq qrupu Bakıya səfər etdi; iqtisadi sahədə - birgə komitənin beşinci iclası, həmçinin Bakıda biznes forum keçirildi"
Bundan əlavə, diplomat qeyd edib ki, iki ölkənin enerji nazirlərin qarşılıqlı iki səfəri baş tutub:
"Bu səfərlər zamanı iki ölkənin inkişafına xidmət edən saziş və anlaşma memorandumları imzalanıb".
Şərhlər
Şərhləri göstər Şərhləri gizlət