Şəhid olmuş jurnalistlərin son reportajı

Ens.az Oxu.az-a istinadən xəbər verir ki, xəbər verdiyimiz kimi, bu gün Azərbaycan Televiziyasının operatoru 1989-cu il təvəllüdlü Sirac Abışov və “Azərtac”ın əməkdaşı Məhərrəm İbrahimov (Əlioğlu) Kəlbəcər rayonunun Susuzluq kəndində xidməti vəzifələrini yerinə yetirərkən minaya düşərək həlak olublar.

İşğaldan azad edilmiş torpaqlara ezam olunan jurnalistlər Ermənistanın vandalizm siyasətinin fəsadlarını çəkərək dünyaya çatdırırdı.

Şəhid jurnalist Məhərrəm İbrahimov son reportajında bildirib ki, kəndə daxil olarkən küçə-küçə gəzib dağıdılmış məbədləri, məktəbləri, evlərin görüntülərini çəkirik.

“Mən özüm də məcburi köçkünəm. İşğaldan azad olunan rayonlarda, kəndlərdə olarkən ən ağır hissləri yaşamışam”.

Bu sözləri şəhid Sirac Abişov deyib. 

O həm də bildirib ki, çəkdiyim bu kadrlarda bir milyon məcburi köçkünün, əlli milyon azərbaycanlının gözü ilə baxıram.

Həmin şəhid jurnalistlərin son reportajını təqdim edirik: