![Şəhidlərdən daha 700 nəfərin 1160 vərəsəsinə birdəfəlik ödəmə veriləcək](https://ens.az/images/news/3bfb992c82633d856d7036dfce19e0ca.jpg)
Dərc edildi: Baxış sayı: 505
Şəhidlərdən daha 700 nəfərin 1160 vərəsəsinə birdəfəlik ödəmə veriləcək
Əmək və Əhalinin Sosial Müdafiəsi Nazirliyində fəaliyyət göstərən Komissiya növbəti iclasında daha 700 şəhidin 1160 vərəsəsinə birdəfəlik ödəmə (11 min manat) verilməsi barədə qərar qəbul edib.
Nazirliyin mətbuat xidmətindən "Report"a verilən məlumata görə, müvafiq vəsaitlər bir həftə ərzində vərəsələrin bank hesablarına köçürüləcək.
Qeyd edək ki, dövlət başçısı İlham Əliyevin 19 aprel 2018-ci il tarixli və 28 yanvar 2019-cu il tarixli Fərmanlarına əsasən, ümumilikdə 12268 şəhidin vərəsələrinin birdəfəlik ödəmə almaq hüququ müəyyən edilib. Bu günədək onlardan 6191 şəhidin 9054 vərəsəsinə birdəfəlik ödəmənin verilməsinə dair qərar qəbul olunub.
Şərhlər
Şərhləri göstər Şərhləri gizlət