Səlcuq Universitetinin professoru Bakı Dövlət Universitetində

Səlcuq Universitetinin professoru Bakı Dövlət Universitetində

Türkiyənin Səlcuq Universitetinin jurnalistika fakültəsinin dekanı, professor Bünyamin Ayhan Bakı Dövlət Universitetinin (BDU) jurnalistika fakültəsinin qonağı olub.

BDU-dan AZƏRTAC-a bildiriblər ki, jurnalistika fakültəsinin dekanı, dosent Vüqar Əliyevin və müəllimlərin iştirak etdikləri görüşdə qardaş ölkənin ali məktəbi ilə əməkdaşlıq imkanları, müəllim-tələbə mübadiləsi haqqında ətraflı müzakirələr aparılıb. Qonağa fakültədəki infrastruktur, təhsil-tədris sistemi barədə məlumat verilib.

Görüşdə əməkdaşlığın bir sıra istiqamətləri üzrə fikir mübadiləsi aparılıb. Sonra qonaq fakültənin elmi-tədqiqat laboratoriyaları, “Barama Media Center”, “Füyuzat” otağı, tədris-teleradio studiyası ilə yaxından tanış olub.