Səudiyyə Ərəbistanı Gimnastika Federasiyasının rəsmisi: Azərbaycan Gimnastika Federasiyası dünyada ən güclü federasiyalardan biridir

Azərbaycan Gimnastika Federasiyası dünyada ən güclü federasiyalardan biridir.

Bu barədə Səudiyyə Ərəbistanının Gimnastika Federasiyasının idarəedici direktoru Rakan Abdulla Əl-Fehayd Beynəlxalq Gimnastika Federasiyasının (FIG) Bakıda keçirilən 82-ci Konqresi çərçivəsində Trend-ə açıqlamasında bildirib.

Əl-Fehayd qeyd edib: "Konqresdə kvalifikasiya sistemləri, hakim kursları və gimnastikanın gələcəyi üçün digər mühüm məsələlər müzakirə olunur".

İdarəedici direktor Bakıda son illər ərzində keçirilən idman yarışlarını xüsusi vurğulayıb: "Biz Bakıda əvvəl də olmuşuq, 2018-ci ilin mart ayında idman gimnastikası üzrə Dünya Kubokunda. Azərbaycan Gimnastika Federasiyası möhtəşəm yarış təşkil etmişdi. Həmçinin 2017-ci ildə Bakıda İslam Həmrəyliyi Oyunları da keçirilib. Əminəm ki, Azərbaycan böyük uğurla daha çox tədbirləri keçirə bilər".