![Şirkətin 423 min dollarını mənimsəyən qadından xəbər var](https://ens.az/images/news/sirketin-423-min-dollarini-menimseyen-qadindan-xeber-var.jpg)
Şirkətin 423 min dollarını mənimsəyən qadından xəbər var
Bakı Apellyasiya Məhkəməsində şirkətin 423 min dollarını mənimsəməkdə təqsirləndirilən Nelli Fabriçnayanın barəsindəki hökmdən verilən apellyasiya şikayəti üzrə məhkəmə iclası başlayıb.
Ens.az Pravda.az-a istinadən xəbər verir ki, hakim Qədim Babayevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Məhkəmənin növbəti iclası avqustun 10-na təyin edilib.
Bakı Ağır Cinayətlər Məhkəməsinin hökmü ilə N.Fabriçnaya 11 il müddətinə azadlıqdan məhrum edilib.
Qeyd: 2018-ci ildə N.Fabriçnaya Ə.Zeynalovun şirkətində kadrlar şöbəsinin müdiri vəzifəsində işləyib. İttiham aktına görə, zərərçəkmiş N.Fabriçnaya inandığından müəyyən işlər görmək üçün qadına etibarnamə verib, hətta onun evindəki seyfə pullar qoyub. O, seyfdən ümumilikdə 423 min dollar pulu götürərək mənimsəyib. N.Fabriçnaya isə həmin pulların bir hissəsini şirkətin xadiməsi olan Mehriban Atakişiyeva adlı qadına kömək məqsədilə verib, bir hissəsini isə özünün keçmiş sevgilisi olan Raufa təqdim edib. Zərərçəkmiş Ə.Zeynalov Birinci Qarabağ müharibəsi əlilidir. O iddia edib ki, N.Fabriçnaya mənimsəmə əməllərini ört-basdır etmək üçün onu zəhərləyib.
Şərhlər
Şərhləri göstər Şərhləri gizlət