Sloveniya tarixində ilk: Qadın qərargah rəhbəri oldu

Sloveniya hökumətinin qərarı ilə general-mayor Alenka Erments adlı qadın Silahlı Qüvvələrin Baş Qərargah rəisi təyin edilib.

Axar.az xəbər verir ki, bu qərarla ölkə tarixində ilk dəfə qadın Baş Qərargah rəisi vəzifəsinə gətirilib.

O, eyni zamanda NATO ölkələri içərisində yeganə qadın ordu rəhbəridir.

Qeyd edək ki, indiyədək Baş Qərargah rəisinin müavini vəzifəsində çalışan 55 yaşlı Ermentsə ötən həftə general-mayor rütbəsi verilib və adı ölkədə həm də general ranqına yüksələn ilk qadın kimi tarixə düşüb.