"Sponsorluq qanunvericilik çərçivəsində həll olunmalıdır"

"Sponsorluq qanunvericilik çərçivəsində həll olunmalıdır"

"Bu gün mədəniyyət sahəsinə ayırmaların edilməsi, ianələrin verilməsi, sponsorluğun edilməsi qanunvericilik çərçivəsində həll olunmalıdır". SİA-nın xəbərinə görə, bunu mədəniyyət naziri Əbülfəs Qarayev parlamentdə komitələrin birgə iclasında büdcə zərfinin müzakirəsi zamanı çıxış edərkən deyib.

Milli Məclisdə mədəniyyət sahəsində sponsorluq hərəkatının genişləndirilməsi üçün qanunvericilik bazası yaradılmasını təklif edən nazir hazırda bütün mədəniyyətin maliyyələşdirilməsinin mərkəzləşdirilmiş qaydada həyata keçirildiyini dilə gətirib: "Mədəniyyət sahəsində böyük optimallaşdırma işləri aparılır. Bunun nəticəsi olaraq, lazımsız iş yerlərinin bağlanması, vəsaitin daha səmərəli xərclənməsi və strukturun formalaşdırılmasında çox qətiyyətli addımlar atılıb”.