Süni intellekt insanlığı məhv edə bilərmi?

Son zamanlar hamını maraqlandıran və hətta narahat edən bir sual var: süni intellekt insanlığı məhv edə bilərmi?

 Bu mövzu ilə bağlı suallara cavab tapmaq üçün TED.az sizə “Kasperski” şirkətinin mütəxəssisi Aleksey Malanovun açıqlamasını təqdim edir:

Süni intellekt barədə insanları ən çox maraqlandıran 5 sual və mütəxəssisin cavabı

İnsanların süni intellektlə bağlı qərəzləri nə dərəcədə əsaslıdır?

Güclü süni intellektin həddən artıq real olması haqqında mülahizələr var. Bu cür süni intellektin motivlərini və hədəflərini proqnozlaşdırmaq çox çətin olacaq. Ancaq insanlar axmaq deyillər. Güclü süni intellekti inkişaf etdirəcəkləri nöqtəyə diqqətlə yaxınlaşacaqlar. Onu da qeyd etməliyəm ki, güclü süni intellektin inkişafının ilk mərhələsindəyik. Ümumi hesablamalara görə, bu texnologiyaya çatmaq üçün təxminən 45 il vaxt lazımdır.

“Siri” və ya “Alexa” Süni intellekt köməkçiləri, həqiqətən, ağıllıdırlarmı? Onlar yadda qalan əmrləri oxuyurlar, yoxsa həqiqətən, düşünə bilirlər?

Səs köməkçiləri təbii dildə ünsiyyət qurmaqda və axtarışda çox yaxşıdırlar, lakin onlar haqqında ağıllıdırlar deyə bilmərəm. Çünki proqramlaşdırılmamış bir işi yerinə yetirə bilmirlər. Onların şüuru olmadığna görə yaradıcı da ola bilməzlər.

Robotlar və süni intellekt insanlığı məhv edə bilərmi?

Bəli. Böyük bir gücə sahib çox ağıllı bir insanı təsəvvür edin. Bu şəxs internetə qoşularaq istənilən cihazı idarə edib sürətləndirə bilər. Belə bir hadisə insanlıq üçün böyük problemlərin yaranmasına gətirib çıxarar. Bu şəxsin insan və ya süni intellekt olub-olmamasının isə əhəmiyyəti yoxdur. Hazırda süni zəkaya hansı vəzifənin veriləcəyi müəyyənləşdirilməyib.

Süni intellekt proqnozlaşdırmanın hər addımını bilir. Bu məlumatlar nə dərəcədə etibarlıdır? Kimsə onları əldə edərsə nə baş verər?

Nəticəni yalnız proses başa çatdıqdan sonra bilmək olar. Süni intellektin proqnoz üçün istifadə etdiyi bütün məlumatlar süni intellekt olmadan da hücumlara məruz qala bilər.  Bütün məlumatlar qorunmalıdır. Məlumat sızmalarının nəticəsi isə istifadəçidən deyil, məlumatların özündən asılıdır.

Bəşəriyyət süni intellektin təsirini hiss edə bilərmi?

Bütün bunlar süni intellektin səviyyəsindən asılıdır. Süni intellektin bəzi insanlardan ağıllı olması bəşəriyyətə çox təsir göstərməyəcək. Ancaq bütün insanlardan daha ağıllı olsaydı nə edəcəyini və nə dərəcədə güclü olacağını təsəvvür etmək çətindir. Bəzi müəlliflər müəyyən bir nöqtədən sonra süni intellektin bacarıqlarında böyük artım olacağını proqnozlaşdırırlar. Müəyyən nöqtədən sonra süni intellektin öz idrak gücünü inkişaf etdirməyə başlaya biləcəyi də gözlənilir. Fikrimizcə, təkamül prosesi ləng və çətin olacaq. Bu da insanlığa hazırlaşmaq və süni intellektin gücündən faydalanmaq üçün vaxt qazandıracaq.