Tarixçi 70 yaşlı Sumqayıtın qurulmasının səbəblərini açıqlayır

Tarixçi 70 yaşlı Sumqayıtın qurulmasının səbəblərini açıqlayır

AMEA Tarix İnstitutunun elmi işlər üzrə direktor müavini, tarix elmləri doktoru Cəbi Bəhramov deyir ki, şəhərin yaradılmasına 1947-ci ildən başlanıldı və yaradılarkən neft-kimya sənayesi mərkəzi olması nəzərdə tutulurdu

Sumqayıtın 70 illik münasibətilə təntənəli yubiley tədbiri keçiriləcək. Şəhər sakinləri tədbirə kreativ üsulla dəvət olunublar.

AMEA Tarix İnstitutunun elmi işlər üzrə direktor müavini, tarix elmlər doktoru Cəbi Bəhramov Sputnik Azərbaycan-a deyir ki, Sumqayıt yaşayış məskəni kimi qədim ərazidir:

“İkinci Dünya Müharibəsi davam etdiyi bir vaxtda siyasi dairələrdə Azərbaycan əhalisinin bu ərazilərdən köçürülməsi müzakirə edilirdi. Şəhərin yaradılmasına 1947-ci ildən başlanıldı və yaradılarkən neft-kimya sənayesi mərkəzi olması nəzərdə tutulurdu. Şəhərin inkişafı isə 70-ci illərdə xüsusilə geniş vüsət aldı. Hazırda Sumqayıt şəhəri ölkəmizin kimya sənayesinin mərkəzinə çevrilib”.