TƏBİB: Azərbaycan peyvənd istehsal edən bütün ölkələr və təşkilatlarla ikitərəfli danışıqlar aparır

TƏBİB: Azərbaycan peyvənd istehsal edən bütün ölkələr və təşkilatlarla ikitərəfli danışıqlar aparır

"Azərbaycan hansısa ölkənin peyvənd istehsal etməsini gözləmir”.

Ens.az Apa.az-a istinadən xəbər verir ki,bunu bu gün Nazirlər Kabineti yanında Operativ Qərargahın təşkil etdiyi mətbuat konfransında TƏBİB-in xəstəliklərin profilaktikası və kontrolu şöbəsinin müdiri Yaqut Qarayeva deyib.

O bildirib ki, Azərbaycan peyvənd istehsal edən bütün ölkələr və təşkilatlarla ikitərəfli danışıqlar aparır: ““Hansısa peyvənd istehsal olunub, onu istifadə edək" demək çox məsuliyyətlidir. Biz beynəlxalq təşkilatlarla danışıqlara qoşulmuşuq. Tamamilə zərərsiz və xeyirli peyvənd almalıyıq. Bunun üçün zaman lazımdır. Hansısa peyvənd ÜST və başqa beynəlxalq təşkilatlar tərəfindən təsdiq olunmadan onun alınmasından danışmaq olmaz”.