Təhsil işçiləri Fəxri xiyabanda ulu öndər Heydər Əliyevin məzarını ziyarət ediblər

Bakı şəhəri təhsil işçilərinin ənənəvi sentyabr konfransının iştirakçıları sentyabrın 12-də Fəxri xiyabana gələrək müasir müstəqil Azərbaycan dövlətinin memarı və qurucusu, xalqımızın ümummilli lideri Heydər Əliyevin xatirəsini dərin ehtiramla yad edib, məzarı önünə əklil qoyub, tər çiçəklər düzüblər.

AZƏRTAC xəbər verir ki, görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üzərinə gül dəstələri düzülüb.