Tibo Kurtua 2018-ci ilin ən yaxşı qapıçısı seçilib
İspaniyanın “Real Madrid” futbol klubunun qapıçısı Tibo Kurtua 2018-ci ilin ən yaxşı qolkiperi seçilib.
AZƏRTAC xarici KİV-lərə istinadla xəbər verir ki, Beynəlxalq Futbol Tarixi və Statistikaları Federasiyası (IFFHS) keçirdiyi səsverməyə əsasən, Kurtua Avropada çıxış edən 5 qapıçı arasında 181 səs toplayaraq birinci olub.
Səsverməyə əsasən, İngiltərənin “Tottenhem” komandasının qapıçısı Huqo Loris (109) ikinci pillədə qərarlaşıb. 59 səslə “Paris Sen-Jermen”in qapıçısı Canluici Buffon üçüncü olub. “Real Madrid”in ikinci qapıçısı Keylor Navas (58) dördüncü, “Barselona”dan Ter Ştegen isə (49) beşinci pillədə qərarlaşıblar.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət