“Traktor”un baş məşqçisi istefa verdi

Təbrizin “Traktor” futbol komandasının baş məşqçisi Məhəmməd Təqəvi istefa verib.

Axar.az xəbər verir ki, o, istefa ərizəsini klub rəhbərliyinə təqdim edib.

Kütləvi informasiya vasitələrində yayılan məlumata görə, M.Təqəvi klub məsullarından narazı qaldığı üçün belə bir qərar verib.

O, istefasının mətnində dolayı yolla bunu çatdırmağa çalışıb, lakin konkret olaraq hansı səbəbdən istefa verdiyini açıqlamayıb.

Qeyd edək ki, bundan öncə Con Toşak komandadan ayrılıb.