Tramp ABŞ-ın ən çox əhalisi olan ştatında praymeriz seçkilərdə qalib oldu

ABŞ Prezidenti Donald Tramp respublikaçılar arasında praymeriz (ilkin) seçkilərdə əsas səsləri toplayıb.

“Associated Press” agentliyinin məlumatına görə, Amerika lideri Alabama, Arkanzas, Vermont, Massaçusets, Oklahoma, Kolorado, Şimali Karolina, Texas, Tennessi və Yuta ştatlarında praymeriz seçkilərində qalib gəlib.

ABŞ prezidenti ən çox əhalisi olan Kaliforniya ştatında da əsas səsləri yığıb.

Amerika lideri “Twitter” səhifəsində qalib gəldiyi ştatların sakinlərinə təşəkkür edib.

Qeyd edək ki, ABŞ-da president seçkiləri noyabrın 3-də keçiriləcək.

Mənbə: Oxu.az