Trampdan Məkkə müqaviləsinə münasibət: "Bu, cəsarətli və nəhəng addımdır"

"ABŞ Məkkə müqaviləsini Yaxın Şərq ölkələrinin bir araya gələrək öz təhlükəsizliklərini təmin etmə bacarığının göstəricisi kimi qəbul edir".

Ens.az Oxu.az-a istinadən xəbər verir ki,  bu barədə ABŞ Prezidenti Donald Tramp sosial şəbəkə hesabında məlumat yayıb.

"Səudiyyə Ərəbistanı, Türkiyə və Pakistanın bu yaxınlarda, nəhayət ki, ortaq müdafiəyə dair Məkkə müqaviləsini imzalamasını görməkdən çox məmnunam. Bu, Yaxın Şərq ölkələrinin necə birləşdiyini və nəhayət, özlərini daha səmərəli şəkildə qoruya biləcəklərini nümayiş etdirir. Hər üç dövlətin rəhbərliyini təbrik edirəm. Bu, nəhəng, cəsarətli və mühüm addımdır", - deyə Ağ Ev rəhbəri bildirib.

Qeyd edək ki, Məkkə müqaviləsi avqustun 7-də Pakistanın Baş naziri Məhəmməd Şahbaz Şərif, Səudiyyə Ərəbistanının vəliəhd şahzadəsi Məhəmməd bin Salman Əs Səud və Türkiyə Prezidenti Rəcəb Tayyib Ərdoğan tərəfindən imzalanıb. Sənədə əsasən, bu ölkələrdən hər hansı birinə edilən hücum razılaşmanın bütün iştirakçılarına qarşı yönəlmiş təcavüz kimi qiymətləndiriləcək.