Trampın reytinqi rekord həddə çatdı
ABŞ prezidenti Donald Trampın yeni koronavirusun yayılması fonunda reytinqi andiçmə günündən bəri rekord həddə yüksəlib.
“Report” “TASS”a istinadən xəbər verir ki, bunu, “Fox News”un aprelin 4-dən 7-dək keçirdiyi ictimai rəy sorğusunun nəticələri göstərir.
Belə ki, sorğunun nəticəsinə əsasən, Trampın fəaliyyətini 48% amerikalı dəstəkləyir. Bu, Tramp üçün indiyədək rəy sorğularında əldə olunan ən yüksək göstərici sayılır.
Bundan başqa, respondentlərin 94% -i koronavirusdan narahat olduqlarını bildirib. Sorğuda iştirak edənlərin 76% -i yoluxmaqdan qorxduqlarını etiraf ediblər.
Sorğu ölkə daxilində, təxminən, 1 100 amerikalı arasında aparılıb. Onlara suallar telefonla verilib.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət