Azərbaycanın 21 yaşadək futbolçulardan ibarət yığmasının cinah oyunçusu Ozan Can Kökçünün formasını geyindiyi Türkiyənin “Giresunspor” klubu baş məşqçi Ümit Özatla yollarını ayırıb.
“Report” Giresun təmsilçisinin rəsmi saytına istinadən xəbər verir ki, 43 yaşlı mütəxəssislə müqaviləyə qarşılıqlı razılaşma əsasında xitam verilib. Türkiyə millisinin və “Fənərbağça”nın sabiq futbolçusu olan Özatın “Giresunspor” karyerası 18 gün sürüb.
O, qısa müddətdə komandanı I liqada 3 oyuna çıxarıb və 2 xal qazanıb.
Qeyd edək ki, “Giresunspor” 21 xalla 13-cü pillədə qərarlaşıb.
Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.