Türkiyə millət vəkillərinin Bakıya gələcəkləri tarix məlum oldu

Türkiyə Böyük Millət Məclisinin (TBMM) nümayəndə heyəti bu ilin sentyabrın 18-19-da Azərbaycana səfərə gələcək.

Sputnik Azərbaycan xəbər verir ki, bunu Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov komitənin bu gün keçirilən iclasında deyib.

Onun sözlərinə görə, TBMM-nin Xarici əlaqələr komitəsinin sədri Volkan Bozkırın rəhbərlik etdiyi nümayəndə heyəti Bakıya gələcək.

Komitə sədri bildirib ki, Azərbaycan-Türkiyə münasibətləri strateji əhəmiyyət kəsb edir.