Türkiyədə futbol matçları bir dəqiqəlik sükutla başlayacaq

Türkiyədə futbol matçları bir dəqiqəlik sükutla başlayacaq

Türkiyədə keçiriləcək futbol matçları bir dəqiqəlik sükutla başlayacaq.

"Report"un məlumatına görə, bu barədə Türkiyə Futbol Federasiyası qərar çıxarıb. Buna ölkənin Malatya və Elazığ şəhərlərində baş verən zəlzələr səbəb olub.

Bildirilib ki, qərar Super Liqa ilə yanaşı, aşağı liqalarda da tətbiq olunacaq. Həmçinin klublar qara sarğı ilə oyunlara çıxa bilərlər.

Qeyd edək ki, Türkiyədə zəlzələ nəticəsində 21 nəfər ölüb, 1030 nəfər xəsarət alıb.