Validən açıqlama
Ens.az xəbər verir ki, Türkiyənin Diyarbəkir şəhərində koronavirusa qarşı görülən tədbirlərin xüsusilə toylarda pozulması maraqlı qərarın qəbul olunmasına səbəb olub. Belə ki, yoluxma hallarının sürətlə artdığı şəhərdə vali Munir Karaoğlunun göstərişinə əsasən, hər toyda iki polis və ya jandarma, şadlıq evi, yaxud onun ərazisində olacaq və iştirakçıların qaydalara riayət edib - etmədiyini yoxlayacaqlar.
Son günlər şəhərdə koronavirusa yoluxanların sayının artması səbəbindən vali Münir Karaloğlunun sədrliyi ilə şəhər Səhiyyə Müdiri Dr. Cihan Tekin, 17 vilayət valisi və 17 rayon səhiyyə müdirinin iştirakı ilə toplantı keçirilib.
Koronavirusun yayılmasının qarşısını almaq üçün alına biləcək tədbirlərin müzakirə olunduğu yığıncaqda, vali Karaloğlu yoxlamaları sərtləşdirmək üçün göstəriş verib.
Koronavirusla mübarizədə təcrid qruplarının əhəmiyyətini vurğulayan Vali həm yoluxma halları, eləcə də onlarla təmasda olanların təqib edilməsinin qarşılarında duran ciddi vəzifə olduğunu söyləyib. Vali Karaloğlu, qarşıdakı dövrdə toylara 2 polis və ya jandarma təyin ediləcəyini açıqlayıb.
Onun dediyinə görə hüzr yerlərində başsağlığı üçün gələn vətəndaşları məlumatlandıracaq mollaların da yer aldığı xüsusi heyətlərin formalaşdırılması da nəzərdə tutulur.
Mənbə: .aksam.com.tr
Şərhlər
Şərhləri göstər Şərhləri gizlət