2015-ci ildən Azərbaycanda fəaliyyət göstərən “Uber”-in adı dəyişib, qiymətləri bahalaşıb
“Kommersant” xəbər verir ki, bu barədə məlumatı “Uber”in əməkdaşı portalımıza açıqlamasında deyib. Artıq 1 ilə yaxındır ki, “Uber”də çalışan mötəbər mənbənin sözlərinə görə, şirkətin adı faktiki olaraq “Taksometr” olaraq dəyişdirilib.
Şirkətin əməkdaşı onu da deyir ki, ad dəyişikliyindən sonra taksi xidmətinin qiymətlərində bahalaşma ilə əlaqəli olaraq “Uber”ə bağlı olan bütün taksi sürücülərinə mesajla xəbərdarlıq edilib:
“”Uber”ə bağlı çalışan taksi sürücülərinə xəbərdarlıq mesajı göndərilib ki, bu ayın əvvəlindən bütün istiqamətlərə taksi xidməti 30 qəpik bahalaşıb.”
Məsələyə aydınlıq gətirmək üçün "Uber" ilə əlaqə yaratmağa çalışdıq. Amma şirkətin rəsmi saytında və digər elan portallarında heç bir əlaqə vasitəsi qeyd olunmadığı üçün məlumatı təsdiqləyə bilmədik.
Qeyd edək ki, qarşı tərəfin mövqeyini də yayımlamağa hazırıq.
Mənbə: Kommersant.az
Şərhlər
Şərhləri göstər Şərhləri gizlət