![UEFA-nın 2018/2019 avrokubok mövsümündə Azərbaycanın yekun mövqeyi müəyyənləşib](https://ens.az/images/news/8cbc17d56d9eba271a1efcf69bbe067b.jpg)
UEFA-nın 2018/2019 avrokubok mövsümündə Azərbaycanın yekun mövqeyi müəyyənləşib
Avropa Liqasının qrup mərhələsinin VI turunun oyunlarından sonra UEFA-nın yeni reytinqi açıqlanıb.
"Report"un məlumatına görə, 2018/2019 mövsümündə 2,375, son 5 mövsümün nəticələrinə əsasən 19,000 xala malik Azərbaycan 26-cı pillədə qalıb. “Qarabağ”ın Avropa Liqasının qrup mərhələsinin sonuncu oyununda səfərdə İngiltərə “Arsenal”ına 0:1 hesabı ilə uduzması ölkənin mövqeyinə təsir etməyib.
Bu həm də cari mövsüm üçün yekun mövqe deməkdir. Çünki 2019-cu ildə avrokubokda mübarizəni davam etdirəcək 19 ölkənin hamısı reytinq cədvəlində Azərbaycandan öndə qərarlaşıb.
Siyahıya 94,140 xala malik İspaniya başçılıq edir. İngiltərə ikinci (71,605 xal), İtaliya isə üçüncüdür (70.583).
Qeyd edək ki, cari mövsümdə avrokuboklarda Azərbaycanı “Qarabağ”la yanaşı, “Neftçi”, “Qəbələ” və “Keşlə” təmsil edib.
Şərhlər
Şərhləri göstər Şərhləri gizlət