Varxiyanlı Aşıq Məhəmməd - İnciməsin
Sallana, boylana gedən Salatın,
Elə sallangilən yol inciməsin.
Qorxuram dünyanın yeli tərs əsə,
Tökülə gərdənə, tel inciməsin.
Qaşların cəlladdı, gözlərin xumar,
Səni görən səndən bir busə umar,
İncənə taxmısan gümüşdən kəmər,
Elə qurşangman bel inciməsin.
Yazıq Məhəmmədi salmısan yasa,
Nə üçün durubsan mənimlə bəsə,
Könül istər ağ üzündən bir busə,
Dodaq zəhmət çəkib, dil inciməsin.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət