Varxiyanlı Aşıq Məhəmməd - Novcavan
Şükür haqqa, yenə gördüm üzünü,
Bağ, çəmən seyrində gəzən novcavan.
Bir danış, eşidim xoş avazını,
Dahanına nabat əzən novcavan.
Sidq ilə çevirdim sənə yönümü,
Apardın ağlımı, din-imanımı,
Qıya baxıb aldın şirin canımı,
Məstinə gözlərin süzən, novcavan.
Sənsən Məhəmmədin canı, cananı,
Cənnəti-rizvanı, huri-qılmanı,
Yüz min möhnətinən sevmişəm səni.
Görüm nə yazıbdı, yazan, novcavan.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət