Varxiyanlı Aşıq Məhəmməd - Qız, sənin qoynun içində
Narınc, turunc durur qoşa,
Qız, səinin qoynun içində.
Az qalır xəyalım çoşa,
Qız, sənin qoynun içində.
Ərisin dağların qarı,
Tökülsün çaylara sarı,
Gürcüstanın bir cüt narı,
Qız, sənin qoynun içində.
Qaşın cəllad qanım içdi,
Ömrüm zəmisini biçdi,
Bir zaman dövranım keçdi,
Qız, sənin qoynun içində.
Qəddin əlif, boyun bəstə,
Könül görcək düşür xəstə,
Dərdə dərman iki nəstə,
Qız, sənin qoynun içində.
Naz ilə getdin hamama,
Məhəmməd gəldi salama,
Bostançı bəslər şamama,
Qız, sənin qoynun içində.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət