Varxiyanlı Aşıq Məhəmməd - Yaraşığı
Bugünkü seyrimdə bir gözəl gördüm,
Nəzəri, ötəri yol yaraşığı.
Ağlım başdan getdi, bənd olub qaldım,
Baxışı ceyrandı, çöl yaraşığı.
Səhər sevdasmda baxırsan mana,
Məni öldürübən düşərsən qana,
Yaxşıca rast gəldi tülək tərlana,
Bu necə sonadı, göl yaraşığı.
Yazıq Məhəmmədi salmısan dərdə,
Üzünə çəkmisən humayun pərdə,
Məclis, mərəkədə, xeyirdə, şərdə,
Əcaib gəzirsən, el yaraşığı.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət