Xəstə Qasım - İnsan
Yaxşı fikir elə, qafil dolanma,
Qəlbini şeytandan yad elə, insan!
Halal yaşa, bir kimsədən utanma,
Yıxma könülləri, şad elə, insan!
Dünya dediyin bir fanidir, fani,
Əzəl Nuh gəlmişdi, görünmür, hanı?
Yola saldm İskəndər tək xaqanı,
Bizə də əsəcək bad elə, insan!
Xəstə Qasım, düşünməyin bihuşdu,
Bənadam dediyin yuvasız quşdu.
Səxasız dövlətin axırı puçdu,
Ye malm, dəhanda dad elə, insan!
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət