Xəyyat Mirzə - Deginən
Ana, sənə bir söz deyim,
Sən də o yara deginən.
Çox çəkirəm intizarın,
Sinəm sədparə, deginən.
Öpmədim onun üzündən,
Doymadım ala gözündən.
Namərd, hərcayı sözündən
Uymasın sara, deginən.
Yazıq Mirzə mükərrəri,
Yazıb doldurub dəftəri.
Bülbülü güldən ötəri
Çəkirlər dara, deginən.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət