Yaponiya Trampın tələbini rədd etdi

Yaponiya ABŞ-ın ölkə ərazisindəki hərbi kontingentin saxlanılması üçün nəzərdə tutulan xərclərin artırılmasıyla bağlı tələbinə rədd cavabı verib.

Axar.az TASS-a istinadən xəbər verir ki, rəsmi Tokio ABŞ-ın tələbinin həddən artıq böyük olduğunu bildirib.

Yaponiya, həmçinin, ABŞ-ın hərbi kontingentinin saxlanılması üçün hazırda çəkilən xərclərin yetərli olduğunu bəyan edib.

Qeyd edək ki, ABŞ-la Yaponiya arasındakı razılaşmaya əsasən, Tokio ABŞ-ın ölkədə hərbi mövcudluğu üçün hər il 2 milyard dollar ödəyir.