Yaponiyada cihazlar üçün sərtgövdəli akkumulyator hazırlanıb

Yaponiyada cihazlar üçün sərtgövdəli akkumulyator hazırlanıb

Litium-ion akkumulyatorlar rəqəmli elektronika bazarında kifayət qədər populyar batareyadır, lakin texnologiyanın bir sıra çatışmazlıqları var (məsələn, zədələndikdə alışa bilər). Yaponiyanın “Taiyo Yuden” şirkəti alternativ həll təqdim edib: yeni miniatür batareya tipi hətta üst örtüyün zədələnməsi zamanı hava ilə təmasda olmayan sərtgövdəli tərkibə malikdir.

“ICTnews” Elektron Xəbər Xidməti “4pda.ru” saytına istinadən yazır ki, texnologiya daşınan elektronika daxil olmaqla yığcam qurğuların enerji ilə təmini üçün uyğun gələn miniatür (4,5x3,2x3,2-dən 1,0x0,5x0,5 mm-dək) akkumulyatorlar hazırlamağa imkan verir.

“Taiyo Yuden” şirkətinin press-relizinə əsasən, şirkət 2020-ci ildə yeni batareya nümunələrinin elektronika istehsalçılarına tədarükünə, 2021-ci ildə isə kommersiya tədarükü üçün kütləvi istehsala başlamağı planlaşdırır.